عالمی رہنماوں نے اسرائیل سے مطالبہ:
اقوام متحدہ کی جنرل اسمبلی میں. عالمی رہنماوں نے اسرائیل سے مطالبہ کیا ہے کہ وہ لبنان میں بڑے پیمانے پر جنگ چھیڑنے سے باز رہے۔
امریکی صدر جو بائیڈن نے. جنرل اسمبلی میں اپنے الوداعی خطاب میں کہا. جنگ کسی کے مفاد میں نہیں ہے۔ اگرچہ صورتحال خطرناک حد تک پہنچ چکی ہے. لیکن پھر بھی اس کا سفارتی حل ممکن ہے۔
بائیڈن نے اسرائیل اور حماس کے درمیان جنگ بندی پر بھی زور دیا. اور عالمی ادارے کو بتایا. کہ اب وقت آگیا ہے. کہ اس جنگ کو ختم کیا جائے۔
اقوام متحدہ کے سیکرٹری جنرل انتونیو گٹیرس نے کہا. کہ لبنان خطرے کے دہانے پر ہے۔ اس کو ایک اور غزہ میں تبدیل نہیں ہونا چاہیے۔ انہوں نے غزہ کی صورتحال کو ڈراؤنا خواب قرار دیتے ہوئے کہا. کہ ہم سب کو اسرائیل اور لبنان کے درمیان جاری کشیدگی میں اضافے سے خوفزدہ ہونا چاہیے۔
ثالث قطر نے. اسرائیل پر غزہ کی جنگ بندی کے مذاکرات میں رکاوٹ ڈالنے کا الزام لگایا. امیر شیخ تمیم بن حمد آل تھانی نے کہا. کہ نیتن یاہو کی حکومت خطے میں تباہی پھیلا رہی ہے۔ تاہم ، انہوں نے مزید کہا. ہم پرامن ذرائع سے تنازعات کو حل کرنے کیلئے ثالثی کی اپنی کوششیں جاری رکھیں گے۔
فرانس نے اس بحران پر سلامتی کونسل کا ہنگامی اجلاس طلب کیا. اور یورپی یونین کے اعلی سفارت کار جوزپ بوریل نے خبردار کیا. کہ "ہم تقریبا ایک مکمل جنگ میں ہیں”۔