2
لاہور: وزیر اعلیٰ پنجاب مریم نواز شریف کا طرز حکمرانی شفافیت کی اعلیٰ مثال، پلاننگ اینڈ ڈویلپمنٹ ڈیپارٹمنٹ میں کرپشن کا مرتکب افسر فورا گرفتار کر لیا گیا۔
وزارت پلاننگ اینڈ ڈیولپمنٹ میں کرپشن کی شکایت پر اینٹی کرپشن پنجاب نے فوری ایکشن لیتے ہوئے پی اینڈ ڈی بورڈ کے اسسٹنٹ چیف انڈسٹریز محمد احمد مفلح الرحمن کو گرفتار کرکے مقدمہ درج کرلیا اور تحقیقات بھی شروع کر دی۔ ملزم نے سالانہ ترقیاتی پروگرام میں سکیمیں شامل کرانے کا جھانسہ دے کر لاکھوں روپے رشوت لی۔
مریم نواز نے کہا کہ کرپشن ریڈ لائن ہے کسی صورت برداشت نہیں کی جائے گی۔ عوام شکایات فوری طور پر رپورٹ کریں۔ کسی بھی سطح پر کرپشن کے خلاف زیرو ٹالرنس ہے۔ کرپٹ عناصر کے خلاف بلاامتیاز کارروائی کی جائے گی۔