ریاست منی پور کے ضلع جیریبام میں پولیس کے ہاتھوں 10 کوکی عیسائیوں کی ہلاکت کے بعد کشیدگی عروج پر پہنچ گئی۔ علاقے میں کرفیو نافذ کر دیا گیا۔
بھارتی میڈیا کے مطابق اس مقابلے کے بعد کوکی قبیلے نے اکثریتی اضلاع میں ہڑتال کی کال دی ہے۔ قبیلے کا کہنا ہے کہ 11 نومبر کو جعلی مقابلوں میں مارے جانے والے عسکریت پسند نہیں بلکہ ہمارے گاوں کے رضا کار تھے۔ پولیس نے جھوٹ بول رہی ہے کہ افراد شرانگیزی میں ملوث تھے۔ مزید کہا کہ بھارتی فوج نے گاوں کو لوٹنے اور جلانے میں مدد فراہم کی۔
کوکی قبیلے نے کہا کہ ہمارا احتجاج اس وقت تک جاری رہے گا جب تک بھارتی پولیس سرعام معافی نہیں مانگتی۔
واضح رہے کہ منی پور میں عیسائیوں اور اقلیتوں کے خلاف نسل کشی جاری ہے۔ منی پور کے علاقے جیریبام سے تین بچے اور تین خواتین لاپتہ ہیں۔ دو بڑھے افراد کی تشدد زدہ لاشیں ملبے سے برآمد ہوئیں ہیں۔