قومی ٹیم کے بلے باز محمد حارث نے کہا ہے کہ منیجمنٹ نے نیوزی لینڈ کے خلاف بغیر کسی دباو کے کھیلنے کی ہدایت کی ہے۔
میڈیا سے گفتگو کرتے ہوئے انہوں نے کہا کہ نیوزی لینڈ کی کنڈیشن کو دیکھ کر تمام فیصلے کریں گے۔ محمد حارث نے کہا کہ نیوزی لینڈ میں کھیل چکا ہوں، اس لیے وہاں کھیلنے میں کوئی مسئلہ نہیں ہے۔
قومی کھلاڑی نے کہا کہ میرے کھیلنے کا انداز وہی رہے گا، صرف ذمہ داری لینے کی کوشش کروں گا۔ انہوں نے کہا کہ ہماری پوری کوشش ہے کہ نیوزی لینڈ کی جو بھی ٹیم ہو اس کو ہرائیں۔
محمد حارث نے کہا کہ نو ٹی ٹوئنٹی میچ میں سے صرف ایک میچ میں اوپنگ کی۔ کسی پوزیشن پر بھی کھیلوں، پاکستان کی طرف سے کھیلنا میرے لیے اعزاز ہے۔ پچھلے ایک سال سے کوچز اور ڈومیسٹک میں اپنی غلطیوں کو بہتر کیا ہے۔ بطور کھلاڑی جتنے میچز میں موقع ملے اس سے پرفارم کروں۔
انہوں نے کہا کہ بابر اعظم اور رضوان کو نہ سلیکٹ کرنا سلیکشن کمیٹی کا فیصلہ ہے۔