سری لنکا کے آف اسپنر مہیش تھیکشنا نے نیوزی لینڈ کے خلاف دوسرے ون ڈے میں 2025 کی پہلی ہیٹ ٹرک کر کے تاریخ رقم کر دی۔
سری لنکن کرکٹ ٹیم اس وقت نیوزی لینڈ کے دورے پر ہے جہاں بدھ کو تین میچوں کی سیریز کا دوسرا میچ کھیلا گیا۔ بارش سے متاثر ہونے والے میچ کو 37 اوورز فی اننگز کر دیا گیا۔ سری لنکا کی دعوت پر نیوزی لینڈ نے پہلے بیٹنگ کرتے ہوئے 9 وکٹوں کے نقصان پر 255 رنز بنائے۔
تھیکشنا نے شاندار باؤلنگ کا مظاہرہ کرتے ہوئے ہیٹ ٹرک سمیت 4 وکٹیں حاصل کیں۔ انہوں نے 35ویں اوور کی آخری دو گیندوں پر نیوزی لینڈ کے کپتان مچل سینٹنر اور نیتھن اسمتھ کو آؤٹ کیا اور پھر 37ویں اوور کی پہلی گیند پر میٹ ہنری سے چھٹکارا حاصل کیا۔
تھیکشنا نیوزی لینڈ کی سرزمین پر ہیٹ ٹرک کرنے والے پہلے سری لنکن باؤلر بن گئے اور ون ڈے کرکٹ میں یہ کارنامہ انجام دینے والے ساتویں سری لنکن ہیں۔