3
اسلام آباد: مقامی عدالت نے بانی پی ٹی آئی عمران خان کے بیٹوں سے ملاقات اور ان کے طبی معائنے کے لیے حکم جاری کیا ہے۔ عدالت نے 28 اپریل تک اس عمل کی رپورٹ جمع کرانے کی ہدایت کی۔
اسلام آباد کے اسپیشل جج سنٹرل ایف آئی اے، شاہ رخ ارجمند نے عمران خان کی درخواستوں پر سماعت کی، جس میں کہا گیا تھا کہ ان کے بیٹوں سے ہفتہ وار ملاقات کی اجازت دی جائے اور باقاعدہ طبی معائنہ کرایا جائے۔ عدالت نے پہلے بھی طبی معائنہ کا حکم دیا تھا اور جیل میں موجود ڈاکٹرز کے زیرِ نگرانی ذاتی ڈاکٹروں کو معائنے کی اجازت دی تھی۔
دوران سماعت بانی پی ٹی آئی کی جانب سے وکلاء عثمان ریاض گل اور ظہیر عباس عدالت میں پیش ہوئے۔ وکلاء نے عدالت سے درخواست کی کہ بانی پی ٹی آئی کے میڈیکل چیک اپ کے لیے ڈاکٹرز کو اجازت دی جائے، جسے عدالت نے منظور کر لیا۔