برطانوی پارلیمنٹ نے پاکستان کے نامور اداکار فہد مصطفی کو ایوارڈز سے نواز دیا جس کے بعد وہ یہ اعزاز حاصل کرنے والے پہلے پاکستانی بن گئے ہیں۔
فہد مصطفیٰ کو "ڈائیورسٹی امپیکٹ ایوارڈ” اُن کی تفریحی صنعت میں غیر معمولی خدمات کے اعتراف میں دیا گیا، جو مختلف کمیونٹیز کو جوڑنے اور عالمی سطح پر ناظرین کو متاثر کرنے کا سبب بنا، اور "کلچرل امپیکٹ ایوارڈ” جو میڈیا کے ذریعے ر ثقافتی روابط قائم کرنے میں ان کی شاندار کامیابیوں کو سراہتے ہوئے دیا گیا۔
اس شاندار تقریب کی میزبانی ایم پی ناز شاہ، افضال خان ایم پی، اور لارڈ واجد خان، کمیونٹیز کے وزیر نے کی، جس میں برطانوی پاکستانی کمیونٹیز کے نمایاں شخصیات جیسے کاروبار، کھیل، میڈیا اور پارلیمنٹ کے افراد نے شرکت کی۔
ملٹی کلچرل یو کے کی ڈائریکٹر شازانہ راجہ نے کہا کہ فہد مصطفیٰ پاکستان کے سب سے کامیاب اداکاروں اور پروڈیوسرز میں شامل ہیں، جن کا ڈرامہ "کبھی میں کبھی تم” عالمی سطح پر ایک ارب سے زیادہ ویوز حاصل کر چکا ہے۔
انہوں نے مزید کہا کہ ان کی عالمی سطح پر مقبولیت نے انہیں ہالی وڈ کے مشہور اداکاروں جیسے رائن رینالڈز اور اڈریس ایلبا کے ساتھ موازنہ کا موقع دیا ہے، جو ان کی دلکشی، ہمہ جہتی صلاحیتوں اور عالمی مقبولیت کو اجاگر کرتا ہے۔