وفاقی شرعی عدالت میں بڑی تقرری،جسٹس ڈاکٹر سید محمد انور قائم مقام چیف جسٹس مقرر

اسلام آباد(ایگزو نیوز ڈیسک)صدرِ مملکت آصف علی زرداری نے وزیراعظم کی ایڈوائس پر وفاقی شرعی عدالت کے قائم مقام چیف جسٹس کی تقرری کی منظوری دے دی ہے۔ اس منظوری کے تحت جسٹس ڈاکٹر سید محمد انور کو وفاقی شرعی عدالت کا قائم مقام چیف جسٹس مقرر کیا گیا ہے۔
ایگزو نیوز کے مطابق جسٹس ڈاکٹر سید محمد انور اس وقت وفاقی شرعی عدالت کے سینئر ترین جج ہیں اور ان کی تقرری عدالتی نظم و نسق کے تسلسل کو برقرار رکھنے کے لیے کی گئی ہے۔ صدارتی منظوری کے بعد باضابطہ نوٹیفکیشن بھی جاری کر دیا گیا ہے۔قانونی و آئینی ماہرین کے مطابق یہ تقرری عدالتی امور کے تسلسل اور اہم فیصلوں کے تسلسل کو برقرار رکھنے میں اہم کردار ادا کرے گی، جبکہ ادارہ جاتی سطح پر انتظامی امور کو بھی موثر انداز میں آگے بڑھایا جا سکے گا۔