پاکستان کے سابق ٹیسٹ کوچ جیسن گلیسپی نے عبوری ہیڈ کوچ عاقب جاوید پر الزام لگایا کہ عاقب جاوید مجھے اور گیری کرسٹن کو بطور کوچ ہٹانے کے ذمہ دار تھے۔
جیسن گلیسپی نے سوشل میڈیا پر اپنے بیان میں کہا کہ عاقب جاوید کا حالیہ بیان حیران کن ہے، وہ میرے اور گیری کرسٹن کیخلاف پس پردہ مہم چلا رہے تھے، عاقب جاوید چاہتے تھے کہ وہ تینوں فارمیٹ کے کوچ بن جائے۔ عاقب جاوید ایک جوکر ہے۔
جیسن گلیسپی کا یہ تبصرہ عاقب جاوید کے چیمپیئنز ٹرافی 2025 میں پاکستان کی ناقص کارکردگی کے بارے میں تبصرے کے جواب میں آیا ہے۔
ایک حالیہ پریس کانفرنس کے دوران، قومی ٹیم کے عبوری ہیڈ کوچ عاقب جاوید نے کہا کہ ’’کوئی عذر نہیں، پاکستانی ٹیم اچھا نہیں کھیلی‘‘۔ انہوں نے کہا، “ہم نے گزشتہ 2.5 سالوں میں 16 کوچز اور 26 سلیکٹرز کو تبدیل کیا۔ اگر آپ دنیا کی کسی بھی ٹیم کے ساتھ ایسا کرتے ہیں تو ان کی کارکردگی بھی ایسی ہی ہوگی۔
تاہم، گلیسپی کا دعویٰ ہے کہ عاقب جاوید اُن کو اور گیری کرسٹن کو بطور کوچ ہٹانے کے ذمہ دار تھے۔