اسرائیل کے فضائی حملوں کی تصدیق
ایرانی حکام نے. دارالحکومت تہران، شیراز اور کرج پر اسرائیل کے فضائی حملوں کی تصدیق کرتے ہوئے کہا. کہ وہ کسی بھی جارحیت کا جواب دینے کا حق محفوظ رکھتا ہے۔
ایرانی حکام کا کہنا ہے. کہ اسرائیلی حملوں کا کامیابی سے مقابلہ کیا گیا.حالانکہ کچھ مقامات پر "محدود نقصان” ہوا۔
اسرائیل کا کہنا ہے. کہ اُس نے ایران کے بیلسٹک میزائل حملوں کا جواب دیدیا ہے۔ اسرائیلی فوج نے ایران میں دھماکوں کی کارروائی کا سہرا لیتے ہوئے کہا. ہمارے طیارے بحفاظت وطن واپس آ گئے ہیں۔ اسرائیل ڈیفنس فورسز (آئی ڈی ایف) نے کہا کہ اسرائیلی طیاروں نے ایران کے فضائی دفاعی بیٹریوں اور ہتھیار بنانے کیلئے استعمال ہونے والی میزائل مینوفیکچرنگ تنصیبات سمیت کئی مقامات کو نشانہ بنایا۔ آئی ڈی ایف کے ترجمان نے کہا. کہ فوج نے اپنا مشن پورا کیا اور اسرائیل کی ریاست کے دفاع کے لیے اپنی تیاریوں کا مظاہرہ کیا۔
واضح رہے. کہ یکم اکتوبر کو اسرائیل کی طرف داغے گئے. تقریبا 200 بیلسٹک میزائلوں کے ایرانی بیراج کے لیے اسرائیلی انتقامی کارروائی کئی ہفتوں سے بڑے پیمانے پر متوقع تھی۔ اس وقت ، تہران نے کہا تھا. کہ یہ حملہ جولائی میں ایرانی سرزمین پر حماس کے سیاسی رہنما کے قتل کا بدلہ تھا ۔ اسرائیل اور اس کے اتحادیوں نے بہت سے میزائل مار گرائے. لیکن ایک چھوٹی سی تعداد نے وسطی اور جنوبی اسرائیل کو نشانہ بنایا تھا۔