اسلام آباد کی ایک سیشن عدالت نے پاکستان تحریک انصاف (پی ٹی آئی) کے بانی عمران خان کی اہلیہ بشریٰ بی بی کی جانب سے 26 نومبر کے احتجاج سے متعلق مختلف مقدمات میں عبوری ضمانت کی درخواستیں مسترد کر دیں۔
ایڈیشنل سیشن جج افضل مجوکہ نے بشریٰ بی بی کے وکیل خالد یوسف چوہدری اور پراسیکیوٹر اقبال کاکڑ کی موجودگی میں سماعت کا فیصلہ سنایا۔
ایڈووکیٹ چوہدری نے اپنے موکل کی جانب سے عبوری ضمانت کی درخواستیں دائر کیں۔ جس پر جج نے نشاندہی کی کہ اب تک کوئی ضمانتی بانڈز جمع نہیں کروائے گئے۔
بشریٰ بی بی کے وکیل نے کہا کہ ان کی موکلہ کو اڈیالہ جیل جانا ہے جہاں احتساب عدالت 190 ملین پاؤنڈز کیس کا فیصلہ سنانے والی ہے۔
جج نے ریمارکس دیے کہ آپ عدالتی احکامات پر عملدرآمد نہیں کر رہے۔ بعد ازاں انہوں نے ضمانت کی درخواستیں نمٹا دیں۔