ایرانی حکام نے انٹرنیٹ کی پابندیوں کو کم کرنے کیلئے پہلے قدم کے طور پر واٹس ایپ اور گوگل پلے پر سے پابندی ہٹا دی ہے۔
ایرانی کی سرکاری نیوز ایجنسی نے منگل کے روز صدر مسعود پیزشکیان کی سربراہی میں ہونے والے اس معاملے پر ہونے والی میٹنگ کا حوالہ دیتے ہوئے کہا، کچھ مشہور غیر ملکی پلیٹ فارمز جیسے کہ واٹس ایپ اور گوگل پلے تک رسائی پر پابندیوں کو ختم کرنے کیلئے ایک مثبت اکثریت کا ووٹ حاصل کر لیا گیا ہے۔
نیوز ایجنسی نے ایران کے انفارمیشن اینڈ کمیونیکیشن ٹیکنالوجی کے وزیر ستار ہاشمی کا حوالہ دیتے ہوئے کہا کہ انٹرنیٹ کی پابندیوں کو دور کرنے کیلئے آج پہلا قدم اٹھایا گیا ہے۔
واضح رہے کہ ایران میں حکومت مخالف مظاہروں میں سوشل میڈیا پلیٹ فارمز کو بڑے پیمانے پر استعمال کیا گیا۔ ستمبر میں امریکا نے بگ ٹیک سے مطالبہ کیا تھا کہ وہ ان ممالک میں آن لائن سنسرشپ سے بچنے میں مدد کرے جو ایران سمیت انٹرنیٹ کو بہت زیادہ سنسر کرتے ہیں۔