بالی ووڈ کے لیجنڈ اداکار سنجے دت اور پاکستان کی معروف اداکارہ مہوش حیات کی حالیہ ملاقات کی تصویر سوشل میڈیا پر وائرل ہو گئی ہے۔
یہ تصویر مہوش حیات نے اپنے انسٹاگرام اکاؤنٹ پر شیئر کی، جس کے بعد دونوں جانب کے مداحوں نے ان کے اس لمحے کو خوب سراہا۔
پاکستانی اور بالی ووڈ اسٹارز کا ایک ساتھ نظر آنا ہمیشہ مداحوں کیلئے خوشی کا باعث بنتا ہے۔ بہت سے لوگ قیاس آرائیاں کر رہے ہیں کہ شاید دونوں اسٹارز کسی پروجیکٹ میں ساتھ کام کر رہے ہیں۔
اگرچہ اس حوالے سے کوئی تصدیق نہیں ہوئی، لیکن اس بالی ووڈ-پاکستانی تعلق نے مداحوں کو پرجوش اور متجسس کر دیا ہے۔
مہوش حیات، جو 1980 کی دہائی کی معروف اداکارہ رخشاں حیات کی صاحبزادی ہیں، آج پاکستان کی سب سے بڑی اسٹارز میں شمار ہوتی ہیں۔ ان کے مداحوں کی تعداد پاکستان اور بھارت دونوں میں بہت زیادہ ہے۔ انہوں نے پنجاب نہیں جاؤں گی، دل لگی، مس مارول، اور لندن نہیں جاؤں گا جیسے سپر ہٹ پروجیکٹس دیے ہیں۔