اسلام آباد(ایگزو نیوز ڈیسک)پاکستان ٹیلی کمیونیکیشن کمپنی لمیٹڈ نے ملک بھر کے انٹرنیٹ صارفین کو آگاہ کیا ہے کہ ایک بین الاقوامی زیرِ سمندر فائبر آپٹک کیبل کی مرمت کے باعث 11 مئی سے 18 مئی تک انٹرنیٹ سروس میں تعطل اور رفتار میں سست روی کا خدشہ ہے۔کمپنی کے مطابق مرمتی کام بین الاقوامی کنسورشیم کے تحت کیا جا رہا ہے،جس کے دوران خصوصاً شام کے اوقات میں صارفین کو کنیکٹیویٹی کے مسائل کا سامنا کرنا پڑ سکتا ہے۔
ایگزو نیوز کے مطابق پاکستان ٹیلی کمیونیکیشن کمپنی لمیٹڈ نے ملک بھر کے انٹرنیٹ صارفین کو آگاہ کیا ہے کہ ایک بین الاقوامی زیرِ سمندر فائبر آپٹک کیبل میں خرابی کے بعد اس کی مرمت کا عمل 11 مئی سے شروع کیا جا رہا ہے جو 18 مئی تک جاری رہنے کا امکان ہے۔اس دوران خاص طور پر شام کے اوقات میں انٹرنیٹ صارفین کو رفتار میں نمایاں کمی،کنیکٹیویٹی کے مسائل اور بعض اوقات سروس میں عارضی تعطل کا سامنا کرنا پڑ سکتا ہے۔
کمپنی کے مطابق یہ مرمتی کام بین الاقوامی کیبل کنسورشیم کے تحت کیا جا رہا ہے تاکہ نظام کو مکمل طور پر بحال اور بہتر بنایا جا سکے۔اس دوران ملک میں انٹرنیٹ ٹریفک پر اثرات مرتب ہونے کا امکان ہے کیونکہ پاکستان کی بڑی انٹرنیٹ بینڈوڈتھ زیرِ سمندر کیبلز پر انحصار کرتی ہے۔واضح رہے کہ ایسی تکنیکی خرابیوں کے دوران صارفین کو آن لائن خدمات میں رکاوٹیں پیش آ سکتی ہیں تاہم مرمتی کام مکمل ہونے کے بعد سروس معمول پر آنے کی توقع ہے۔