لاہور کی انسداد دہشت گردی کی عدالت (اے ٹی سی) نے جناح ہاؤس حملے اور آتشزدگی کے مقدمات میں علیمہ خان، عظمیٰ خان اور دیگر نامزد ملزمان کی عبوری ضمانت میں 5 اکتوبر کو توسیع کردی۔
سماعت لاہور اے ٹی سی کے جج ارشد جاوید نے کی, سابق وزیراعظم عمران خان کی بہنیں علیمہ خان اور عظمیٰ خان عبوری ضمانت کی مدت ختم ہونے پر عدالت میں پیش ہوئیں۔
پی ٹی آئی رہنماؤں علی امتیاز اور ندیم عباس بارا نے بھی حاضری لگائی جب کہ پی ٹی آئی کے سیکریٹری جنرل سلمان اکرم راجہ نے حاضری سے استثنیٰ کی درخواست جمع کرائی جسے عدالت نے منظور کرلیا۔
عدالت نے تفتیشی افسر کو ہدایت کی کہ وہ انکوائری مکمل کرکے آئندہ سماعت پر رپورٹ پیش کریں۔ عبوری ضمانتوں میں توسیع کرتے ہوئے سماعت 15 فروری تک ملتوی کر دی گئی۔
غور طلب ہے کہ ملزمان اسلام پورہ، لاری اڈہ اور مستی گیٹ تھانوں میں درج مقدمات میں الزامات کا سامنا کر رہے ہیں۔