پنجاب کے ضلع فیصل آباد کے قصبے تاندلیانوالہ کے قریب ایک سڑک حادثے میں ایک ہی خاندان کے 6 افراد جاں بحق اور 3 زخمی ہو گئے۔
حادثہ تاندلیانوالہ کے نواح میں دھند کے باعث سڑک پر پیش آیا جہاں تیز رفتاری کے باعث کار ٹریکٹر ٹریلر سے ٹکرا گئی۔ کار میں سوار چھ افراد موقع پر ہی جاں بحق اور تین زخمی ہوگئے۔
ایک پولیس اہلکار نے بتایا کہ مرنے والوں کی شناخت رابعہ بی بی، اس کی بیٹیاں 13 سالہ فجر اور 11 سالہ امامہ، 6 سالہ یحییٰ اور ایک سالہ موسیٰ اور رئیس کے نام سے ہوئی ہے۔
گاڑی چلانے والا شاہ زیب، اس کی بیوی اور بیٹا زخمی ہوگئے۔ حادثے کی اطلاع ملتے ہی پولیس اور امدادی ٹیمیں موقع پر پہنچ گئیں اور جاں بحق اور زخمیوں کو اسپتال منتقل کیا۔
زخمیوں کو بعد ازاں تشویشناک حالت کے پیش نظر فیصل آباد ہسپتال منتقل کر دیا گیا۔
پولیس نے ٹریکٹر ٹریلر کو قبضے میں لے کر فرار ڈرائیور کی تلاش شروع کر دی۔