1
معروف بھارتی گلوکار ارمان ملک اپنی منگیتر، فیشن انفلوئنسر آشنا شروف کے ساتھ ایک خوبصورت تقریب میں شادی کے بندھن میں بندھ گئے۔
شادی کی تقریب میں قریبی دوستوں اور رشتے داروں نے شرکت کی۔ جوڑے نے اپنے خاص دن کی تصاویر سوشل میڈیا پر شیئر کیں، جنہیں مداحوں کی جانب سے بے شمار محبت اور تعریفیں ملیں۔
ارمان اور آشنا طویل عرصے سے ایک دوسرے کے ساتھ تعلق میں تھے اور دونوں اکتوبر 2023 میں منگنی کے بندھن میں بندھ گئے تھے۔ نیا سال شروع ہوتے ہی، دونوں نے شادی کر لی۔
آشنا نے جدید دلہنوں کے رجحانات اپناتے ہوئے ایک خوبصورت سنہری اور نارنجی رنگ کے لہنگے کا انتخاب کیا، جس پر نفیس کڑھائی تھی۔ جبکہ ارمان نے ہلکے گلابی رنگ کی شیروانی پہنی تھی جس پر نفیس کڑھائی تھی۔ جوڑا اپنی شادی کی رسومات کے دوران انتہائی خوش دکھائی دیا۔