بھارتی وزیر خارجہ سبرامنیم:
بھارتی وزیر خارجہ سبرامنیم جے شنکر نے کہا ہے. کہ وہ اس ماہ جب پاکستان کا دورہ کریں گے تو وہ دوطرفہ تعلقات پر بات نہیں کریں گے۔
جے شنکر نے نئی دہلی میں. ایک تقریب میں ایک سوال کے جواب میں کہا. مجھے امید ہے کہ تعلقات کی نوعیت کی وجہ سے میڈیا میں کافی دلچسپی ہوگی۔ لیکن میں یہ کہنا چاہتا ہوں. کہ یہ دورہ شنگھائی تعاون تنظیم کے سربراہی اجلاس کیلئے ہے۔ میں وہاں بھارت پاکستان تعلقات پر بات کرنے نہیں جا رہا ہوں۔ انہوں نے مزید کہا. کہ میں وہاں ایس سی او کے ایک رکن کے طور پر جا رہا ہوں۔
واضح رہے. کہ گزشتہ روز وزیر خارجہ کے ترجمان رندھیر جیسوال نے ایک پریس بریفنگ میں تصدیق کی تھی. کہ جے شنکر 15 اور 16 اکتوبر کو اسلام آباد میں ہونے والے ایس سی او اجلاس کیلئے پاکستان جانے والے ایک وفد کی قیادت کریں گے۔
جے شنکر تقریباً 9 سالوں میں. پاکستان کا دورہ کرنے والے پہلے بھارتی وزیر خارجہ ہوں گے۔ آخری بار سشما سوراج نے دسمبر 2015 میں پاکستان کا دورہ کیا تھا۔
دفتر خارجہ کے ترجمان کے ایک بیان کے مطابق. پاکستان نے اس اکتوبر میں اسلام آباد میں ہونے والے شنگھائی تعاون تنظیم کے سربراہی اجلاس میں شرکت کیلئے وزیر اعظم نریندر مودی کو باضابطہ طور پر دعوت دی تھی۔