4
بورڈ آف کنٹرول فار کرکٹ ان انڈیا (بی سی سی آئی) نے انٹرنیشنل کرکٹ کونسل (آئی سی سی) کو مطلع کیا ہے کہ بھارتی کرکٹ ٹیم چیمپئنز ٹرافی 2025 میں شرکت کیلئے پاکستان نہیں جائے گی۔
ای ایس پی این کرک انفو کے مطابق ، بی سی سی آئی نے باضابطہ طور پر آئی سی سی کو مطلع کیا کہ مودی سرکار نے ٹیم کو پاکستان نہ بھیجنے کا مشورہ دیا ہے۔
چیمپئنز ٹرافی کا نواں ایڈیشن 2025 میں فروری-مارچ میں پاکستان میں ہونا ہے۔ تاہم ، ٹورنامنٹ میں بھارت کی شرکت غیر یقینی تھی کیونکہ بی سی سی آئی نے حکومت سے منظوری طلب کی تھی ۔
اس سے قبل جمعہ کے روز میڈیا سے بات چیت میں پاکستان کرکٹ بورڈ (پی سی بی) کے چیئرمین محسن نقوی نے کہا تھ کہ کرکٹ بورڈ کو چیمپئنز ٹرافی 2025 کیلئے پاکستان نہ آنے کے فیصلے پر بی سی سی آئی کی طرف سے کوئی باضابطہ تصدیق نہیں کی گئی ہے۔