ون ڈے میچ
آسٹریلیا کے خلاف پہلے ون ڈے میچ میں. پاکستان کی پوری ٹیم 203 رنز پر ہی ڈھیر ہوگئی۔
میلبورن کرکٹ گراؤنڈ (ایم سی جی) میں کھیلے جا رہے میچ میں. آسٹریلیا نے ٹاس جیت پاکستان کو پہلے بیٹنگ کی دعوت دی۔ قومی ٹیم نے. میزبان ٹیم کی دعوت پر پہلے بیٹنگ کرتے ہوئے. 46 عشاریہ 4 اوورز میں 10 وکٹوں کے نقصان پر 203 رنز بنائے۔
پاکستان کا آغاز مایوس کن ثابت ہوا. کیونکہ قومی ٹیم کی پہلی وکٹ 3 رنز پر ہی گر گئی تھی۔ شاہینوں کی دوسری وکٹ 24 کے سکور پر گری تھی۔ اس کے بعد وکٹ گرنے کا سلسلہ جاری رہا۔
پاکستان کی جانب سے. کپتان محمد رضوان 44 جبکہ نسیم شاہ 40 رنز بنا کر نمایاں سکورر رہے۔ آسٹریلیا کی جانب سے مچل اسٹارک نے 3 ، جبکہ کپتان پیٹ کمنز اور ایڈم زمپا نے 2، 2 کھلاڑیوں کو آوٹ کیا۔
گرین شرٹس کا آسٹریلیا کی سرزمین پر کوئی اچھا ٹریک ریکارڈ نہیں ہے. صرف ایک ون ڈے سیریز جیتی ہے۔ پاکستان اور آسٹریلیا کے درمیان 104 ون ڈے میچز ہوئے ہیں. جن میں سے آسٹریلیا نے 70 میچز میں فتح حاصل کی ہے۔
اپنے پہلے میچ میں. پاکستان کی قیادت کرنے والے رضوان نے. گزشتہ روز کہا تھا. کہ بابر اعظم، شاہین اور نسیم شاہ نے. پاکستان کے لیے پرفارم کیا ہے۔ انہوں نے کہا ٹیم کے تمام 15 ارکان کپتان ہیں۔ فخر زمان اور امام الحق نے بھی کئی میچ وننگ پرفارمنس دی ہے۔
قومی ٹیم کے کپتان نے مزید کہا. کہ نوجوان کھلاڑیوں کو موقع فراہم کرتے ہوئے. ہم ٹیم کے لیے بیک اپ تیار کر رہے ہیں۔
واضح رہے. کہ دونوں فریق 8 نومبر کو ایڈیلیڈ میں دوسرے میچ میں آمنے سامنے ہوں گے. جبکہ تیسرا میچ 10 نومبر کو پرتھ میں شیڈول ہے۔
پاکستان پلیئنگ الیون
محمد رضوان (کپتان)، سلمان علی آغا (نائب کپتان)، عبداللہ شفیق، صائم ایوب، بابر اعظم، کامران غلام، محمد عرفان خان، شاہین شاہ آفریدی، نسیم شاہ، حارث رؤفاور محمد حسنین
آسٹریلیا پلیئنگ الیون
میٹ شارٹ، جیک فریزر-میک گرک، اسٹیو اسمتھ، جوش انگلیس (وکٹ کیپر)، مارنس لیبسگن، آرون ہارڈی، گلین میکسویل، شان ایبٹ، پیٹ کمنز (کپتان)، مچل اسٹارک اور ایڈم زمپا