1
بڑے بڑے دعوے لیکن کارکردگی صفر، چیمپئنز ٹرافی کے پہلے میچ میں پاکستان کو نیوزی لینڈ کے ہاتھوں عبرتناک شکست کا سامنا کرنا پڑ گیا۔
تفصیلات کے مطابق چیمپئنز ٹرافی کے افتتاحی میچ میں نیوزی لینڈ نے پاکستان کو 60 رنز سے ہرا دیا۔ 321 رنز کے تعاقب میں پوری ٹیم 260 پر ڈھیر ہوگئی۔ قومی ٹیم کی جانب سے خوشدل شاہ 69، بابر 64 جبکہ سلمان علی آغا 42 رنز بنا کر نمایاں رہے۔ نیوزی لینڈ کے کپتان مچل سینٹنر اور ولیم اورورک نے تین تین وکٹیں حاصل کیں۔
اس سے قبل پہلے بیٹنگ کرتے ہوئے نیوزی لینڈ نے ول ینگ اور ٹام لیتھم کی شاندار سنچریوں کے بدولت 320 رنز بنائے تھے۔
میچ کے بعد قومی ٹیم کے کپتان محمد رضوان نے کہا کہ وِل ینگ اور لیتھم کی سنچری نے میچ ہاتھ سے نکال دیا تھا۔ میچ میں دو مرحلوں میں ہم نے اپنا مومنٹم کھویا۔ ہمارے لئے چیمپئنز ٹرافی کا ہر میچ بہت اہم ہے۔