دی گارڈین کو دیے گئے ایک خصوصی انٹرویو میں بشریٰ بی بی کی ترجمان مشعال یوسفزئی نے انکشاف کیا کہ سابق وزیراعظم عمران خان اپنی اہلیہ بشریٰ بی بی پر مکمل اعتماد کرتے ہیں، ان کا ماننا ہے کہ ان کی پارٹی قیادت سمجھوتہ کر رہی ہے اور ان کے خلاف کام کر رہی ہے۔
یوسفزئی نے کہا کہ عمران خان کو لگتا ہے کہ ان کے احکامات کارکنوں تک نہیں پہنچ رہے ہیں اور پارٹی رہنما ان کی ہدایات پر عمل کرنے سے پہلے ان میں ترمیم کر رہے ہیں۔ انہوں نے مزید کہا کہ، اس صورتحال کی وجہ سے خان نے بشریٰ بی بی سے کہا کہ وہ میرا پیغام براہ راست پارٹی کارکنوں تک پہنچائیں۔
یوسفزئی نے مزید انکشاف کیا کہ خان نے بشریٰ بی بی کو خصوصی طور پر ہدایت کی تھی کہ وہ کارکنوں کو مطلع کریں کہ اس ہفتے کا احتجاج "کرو یا مرو” کی صورت حال کا ہو گا، اس لیے پارٹی کارکن اسلام آباد میں جمع ہوں اور ان کی رہائی کا مطالبہ کریں۔
انہوں نے کہا کہ وہ خود سیاست میں شامل نہیں ہیں۔ وہ ایک پرسکون، روحانی شخصیت ہے۔ وہ صرف عمران خان اور عوام کے درمیان پل کا کام کر رہی ہیں۔
بشریٰ بی بی کی بہن مریم ریاض وٹو نے مشعال کے موقف کی حمایت کرتے ہوئے دعویٰ کیا کہ خان کے قریبی ساتھیوں کی حرکتیں مشکوک ہیں۔ ایسا لگتا ہے کہ کچھ اپنے فائدے کے لیے دونوں طرف سے کھیل رہے ہیں۔