خصوصی عدالت نے پاکستان تحریک انصاف (پی ٹی آئی) کے بانی عمران خان اور ان کی اہلیہ بشریٰ بی بی پر توشہ خانہ ٹو کیس میں فرد جرم عائد کردی۔
اڈیالہ جیل میں کیس کی سماعت کرنے والے جج شاہ رخ ارجمند کی عدالت میں سابق وزیراعظم عمران اور بشریٰ بی بی دونوں موجود تھے۔
فاضل جج نے الزامات پڑھ کر سنائے اور سماعت 18 دسمبر تک ملتوی کر دی۔
واضح رہے کہ نیب (قومی احتساب بیورو) نے کیس کی تحقیقات کی۔ تاہم نیب قانون میں ترامیم کے بعد کیس ایف آئی اے کو منتقل کر دیا گیا۔ ستمبر 2024 میں ایف آئی اے نے ضروری تحقیقات کے بعد کیس عدالت میں جمع کرایا۔
اس سے قبل 10 دسمبر کو عمران اور ان کی اہلیہ کے خلاف فرد جرم کی کارروائی بغیر کسی کارروائی کے 12 دسمبر تک ملتوی کر دی گئی تھی۔ اس سے پہلے 5 دسمبر کو سماعت ہوئی لیکن کوئی کارروائی نہیں ہوئی۔
یاد رہے کہ توشہ خانہ کے پہلے کیس میں عدالت بانی پی ٹی آئی اور اُن کی اہلیہ کو بری کر چکی ہے۔