پولیس اہلکار کے قتل کا مقدمہ:
پاکستان تحریک انصاف (پی ٹی آئی) کے بانی عمران خان. خیبرپختونخوا کے وزیر اعلیٰ علی امین گنڈا پور. اور دیگر کے خلاف اسلام آباد میں احتجاج کے دوران. دہشتگردی اور پولیس اہلکار کے قتل کا مقدمہ درج کر لیا گیا۔
مقدمے میں نامزد دیگر پارٹی سیاستدانوں میں اعظم سواتی. عمر ایوب، بیرسٹر محمد علی سیف، پی ٹی آئی اسلام آباد کے صدر عامر مغل، ملک حفیظ الرحمان ٹیپو اور 500 دیگر نامعلوم افراد شامل ہیں۔
یہ مقدمہ اتوار کو کانسٹیبل عبدالحمید کی ہلاکت کے بعد. اسلام آباد کے نون پولیس اسٹیشن میں ریاست کی جانب سے درج کیا گیا تھا۔ پی ٹی آئی کے ڈی چوک احتجاج کے دوران. پولیس اہلکار پر پارٹی کارکنوں نے اُس وقت حملہ کیا تھا. جب وہ 4 اکتوبر کو جی ٹی روڈ پر چونگی نمبر 26 میں اپنی ڈیوٹی سرانجام دے رہے تھے۔
ایف آئی آر میں کہا گیا ہے. کہ پولیس اہلکار کو مظاہرین نے. خان اور گنڈا پور سمیت پی ٹی آئی رہنماؤں کے کہنے پر تشدد کا نشانہ بنایا۔ مظاہرین نے پولیس اہلکاروں پر لاٹھیوں، پتھروں اور لوہے کی سلاخوں سے حملہ کیا۔ مظاہرین نے پولیس اہلکاروں کی وردیاں بھی پھاڑ دیں۔
ایف آئی آر میں مزید کہا گیا ہے. کہ مظاہرین نے پولیس اہلکاروں پر فائرنگ بھی کی. آنسو گیس کی شیلنگ کی، انہیں زخمی کیا. اور سرکاری املاک کو بھی نذر آتش کیا۔ مظاہرین نے حکومت اور ریاست کے خلاف نعرے بھی لگائے۔