4
دبئی میں سفری پابندیوں اور ڈی پورٹ کرنے کے قوانین میں اہم تبدیلی کی گئی ہے۔
عرب میڈیا کے مطابق، دبئی نے ملک بدری کے قانون کو مزید سخت کر دیا ہے تاکہ وہ چالاکیاں اور بہانے ختم کیے جا سکیں جو بیدخلی سے بچنے کے لیے استعمال ہوتے تھے۔
دبئی حکومت نے یہ محسوس کیا کہ ملک سے بیدخل ہونے والے افراد فرضی قرضوں جیسے مالی واجبات کا بہانہ بنا کر ڈی پورٹیشن سے بچنے کی کوشش کرتے تھے۔ اس پر حکومت نے نرمی ختم کرتے ہوئے نیا قانون متعارف کرایا ہے جو ان تمام جوازوں کو ختم کر دے گا۔
اس کے علاوہ، دبئی نے ایک خصوصی عدالتی کمیٹی قائم کی ہے جو ان معاملات کا جائزہ لے گی اور قانونی نظام کی مضبوطی کو یقینی بنائے گی۔