پاکستان کرکٹ بورڈ (پی سی بی) نے شائقین کی زبردست دلچسپی کے پیش نظر آئی سی سی چیمپئنز ٹرافی کیلئے آن لائن ٹکٹوں کی قیمتوں میں 10 فیصد اضافہ کر دیا ہے۔
پی سی بی کے مطابق زیادہ مانگ کے باعث آن لائن ٹکٹوں کی تعداد میں اضافہ کیا گیا ہے، قیمتوں میں اضافے کا اطلاق ٹورنامنٹ کے تمام میچز پر ہوگا۔
پہلے مرحلے میں 30 فیصد ٹکٹس آن لائن دستیاب کرائے گئے اور شائقین نے غیر معمولی جوش و خروش کا مظاہرہ کیا۔
پاکستان بمقابلہ نیوزی لینڈ، آسٹریلیا بمقابلہ انگلینڈ اور پاکستان بمقابلہ بنگلا دیش کے تین میچوں کے ٹکٹ پہلے ہی فروخت ہو چکے ہیں۔
پی سی بی کے اعلان کے مطابق، ٹکٹوں کی فروخت کا دوسرا مرحلہ 3 فروری سے شروع ہوگا، جس میں ٹی سی ایس ایکسپریس سینٹرز پر 100 سے زائد فزیکل ٹکٹ دستیاب ہوں گے۔
پی سی بی حکام نے عوامی ردعمل پر اطمینان کا اظہار کرتے ہوئے کہا کہ ٹکٹوں کی تیزی سے فروخت شائقین کرکٹ کے جوش کو ظاہر کرتی ہے۔ انہوں نے یقین دلایا کہ زیادہ سے زیادہ تماشائیوں کو جگہ دینے کی کوشش کی جا رہی ہے۔