قومی ٹیم کے فاسٹ بولر حارث روف کو آسٹریلیا کے خلاف شاندار کارکردگی کا انعام مل گیا۔ انٹرنیشنل کرکٹ کونسل (آئی سی سی) نے نومبر کیلئے پلیئر آف دی منتھ قرار دیدیا۔
پاکستانی تیز گیند باز نے آسٹریلیا کے دورے پر تین ون ڈے میچوں میں 10 وکٹیں حاصل کر کے اپنی ٹیم کو 22 سال میں پہلی ون ڈے سیریز جیتنے کے لیے اہم کردار ادا کیا تھا۔
حارث نے نومبر کے مہینے میں مجموعی طور پر 18 وکٹیں حاصل کیں، اور بھارت کے جسپریت بمراہ اور جنوبی افریقہ کے مارکو جانسن پر پیچھے چھوڑ کر ماہانہ ایوارڈ حاصل کیا۔
31 سالہ بولر نے دوسرے ٹیسٹ میچ میں خطرناک بولنگ کا مظاہرہ کرتے 29 رنز دیکر پانچ وکٹیں حاصل کیں تھیں۔ حارث کے اسپیل کے باعث پاکستان آسٹریلیا کو 163 رنز پر آوٹ کرنے میں کامیاب ہوا اور بعد میں شاہینوں نے یہ میچ 9 وکٹوں سے جیت لیا تھا۔ آسٹریلیا کے خلاف تیسرے میچ میں بھی انہوں نے 2 وکٹیں حاصل کیں تھی اور سیریز کا بہترین کھلاڑی قرار پائے تھے۔