3
گزشتہ برس 9 مئی کو کلمہ چوک میں کنٹینرز جلانے سے متعلق کیس میں انسداد دہشت گردی کی عدالت نے ہفتے کے روز حماد اظہر اور مراد سعید سمیت پی ٹی آئی کے 8 رہنماؤں کو اشتہاری قرار دے دیا۔
پی ٹی آئی کے دیگر رہنما جن کو مفرور قرار دیا گیا ہے ان میں میاں اسلم اقبال، زبیر خان نیازی، حامد رضا گیلانی، محمد جاوید، عبدالصمد اور وقاص قیوم شامل ہیں۔
عدالت نے پی ٹی آئی کے مفرور رہنماؤں کے دائمی وارنٹ گرفتاری بھی جاری کر دیئے۔ اے ٹی سی جج نے یہ کارروائی پولیس کی جانب سے نصیر آباد تھانے میں درج مقدمے کی درخواست پر کی۔
پولیس کا کہنا تھا کہ ملزمان گرفتاری کے خوف سے روپوش ہوگئے، وارنٹ گرفتاری جاری ہونے کے باوجود ملزمان کو گرفتار نہیں کیا جاسکا۔