3
اقتصادی رابطہ کمیٹی (ای سی سی) نے مسلح افواج کی تنخواہوں، الاؤنسز اور دیگر واجبات کے لیے وزارتِ دفاع کی 15 ارب 83 کروڑ 90 لاکھ روپے کی گرانٹ منظور کر لی۔
وزیر خزانہ محمد اورنگزیب کی زیر صدارت ہونے والے اجلاس میں معیشت، توانائی اور غذائی تحفظ سے متعلق اہم فیصلے کیے گئے۔
ای سی سی کے مطابق، یہ گرانٹ حالیہ پاک بھارت جنگ کے شہدا کے لیے وزیراعظم پیکج کے تحت واجبات کی ادائیگی کے لیے جاری کی جائے گی۔
اجلاس میں چینی کی درآمد کی بھی منظوری دی گئی، اور چھوٹے کسانوں اور کم ترقی یافتہ علاقوں کے لیے رسک کور اسکیم شروع کرنے کی تجویز بھی منظور کی گئی، جس کا باضابطہ آغاز 14 اگست 2025 کو متوقع ہے۔