کراچی: ملک بھر کی صرافہ مارکیٹوں میں سونے کی قیمتوں میں اضافے کا رجحان جاری ہے، اور آج مسلسل تیسرے دن فی تولہ سونے کی قیمت میں نمایاں اضافہ ریکارڈ کیا گیا ہے۔
آل پاکستان صرافہ جیمز اینڈ جیولرز ایسوسی ایشن کے جاری کردہ اعداد و شمار کے مطابق، آج فی تولہ سونے کی قیمت میں 1,100 روپے کا اضافہ ہوا، جس کے بعد اس کی نئی قیمت 3 لاکھ 58 ہزار 100 روپے ہو گئی ہے۔
دوسری جانب، 10 گرام سونے کی قیمت میں 944 روپے کا اضافہ ہوا ہے، جس کے بعد یہ 3 لاکھ 7 ہزار 13 روپے پر پہنچ گئی ہے۔
عالمی منڈی میں بھی سونے کے نرخوں میں بہتری دیکھنے میں آئی ہے۔ ایسوسی ایشن کے مطابق، عالمی مارکیٹ میں سونے کی فی اونس قیمت میں 11 ڈالر کا اضافہ ریکارڈ کیا گیا، جس کے بعد بین الاقوامی قیمت 3,356 ڈالر فی اونس ہو گئی ہے۔
ماہرین کے مطابق سونے کی قیمتوں میں اضافے کی بڑی وجہ عالمی مالیاتی بے یقینی، کرنسی کی قدر میں کمی اور سرمایہ کاروں کا محفوظ اثاثوں کی طرف رجحان ہے