آرمی چیف کی والدہ کی نماز جنازہ ادا، صدر، وزیراعظم اور نواز شریف سمیت اہم شخصیات کی شرکت

2

آرمی چیف جنرل عاصم منیر کی والدہ کی نماز جنازہ ریس کورس گراؤنڈ راولپنڈی میں ادا کر دی گئی۔ جنرل عاصم منیر نے اپنی والدہ کی نماز جنازہ خود پڑھائی۔

نماز جنازہ میں صدر مملکت آصف زرداری، وزیراعظم شہباز شریف، مسلم لیگ ن کے صدر نواز شریف، وزیر دفاع خواجہ آصف، وزیر داخلہ محسن نقوی، مشیر رانا ثنا اللہ، چیئرمین سینیٹ یوسف رضا گیلانی، اسپیکر قومی اسمبلی ایاز صادق، اور دیگر اہم شخصیات نے شرکت کی۔

مسلح افواج کے سربراہان، عسکری حکام، وزیر اعلیٰ سندھ مراد علی شاہ، وزیر اعلیٰ بلوچستان سرفراز بگٹی، جنرل ریٹائرڈ اشفاق پرویز کیانی، اور جنرل ریٹائرڈ قمر جاوید باجوہ بھی نماز جنازہ میں موجود تھے۔

یاد رہے کہ آرمی چیف جنرل عاصم منیر کی والدہ گزشتہ روز قضائے الٰہی سے وفات پا گئی تھیں۔