انگلینڈ کے سابق کرکٹرز بھی آئی سی سی چیمپئنز ٹرافی میں بھارت کو فائدہ پہنچانے پر بول پڑے۔
انگلینڈ کے سابق کرکٹرز نے آئی سی سی چیمپئنز ٹرافی میں بھارت کے تمام میچ ایک ہی مقام پر کھیلنے کے موقع کو ایک اہم فائدہ قرار دیا ہے۔ انگلینڈ کے سابق کپتان ناصر حسین نے نشاندہی کی کہ چیمپیئنز ٹرافی میں بھارت کو دبئی میں واضح برتری حاصل ہے۔
ایک اور سابق کپتان مائیکل ایتھرٹن نے کہا کہ بھارت کو اپنے حریفوں کی طرح نئے حالات کے مطابق ہونے یا طویل سفر کے چیلنجوں سے نمٹنے کی ضرورت نہیں ہے۔ انہوں نے اس بات پر زور دیا کہ تمام میچ ایک مقام پر کھیلنے سے بھارتی ٹیم کو دوسری ٹیموں پر ایک اہم برتری حاصل ہوتی ہے۔
اس سے قبل آسٹریلوی کپتان پیٹ کمنز نے بھی تبصرہ کرتے ہوئے کہا تھا، میرے خیال میں یہ اچھی بات ہے کہ ٹورنامنٹ آگے بڑھ سکتا ہے، اور یقیناً بھارت کو اپنے تمام میچز ایک مقام پر کھیلنے سے بہت فائدہ ہوتا ہے۔ کمنز نے مزید کہا کہ بھارتی ٹیم پہلے ہی بہت مضبوط نظر آتی ہے۔
غور طلب ہے کہ پاکستان مسلسل ناقص کارکردگی کے بعد آئی سی سی چیمپئنز ٹرافی سے باہر ہو گیا ہے۔