2
محکمہ موسمیات نے 14 سے 16 نومبر تک پنجاب کے بیشتر اضلاع میں ہلکی بارشوں کی پیش گوئی کی ہے۔
ترجمان پی ڈی ایم اے کے مطابق لاہور ، راولپنڈی ، فیصل آباد ، گجرانوالہ، خوشاب اور سرگودھا میں بارشیں ہوں گی۔ اس کے علاوہ مری ، اٹک، چکوال ، تلہ گنگ اور جہلم میں بھی بارشوں کی پیشگوئی کی گئی ہے۔
ڈی جی پی ڈی ایم اے عرفان علی کاٹھیا نے کہا ہے کہ ممکنہ بارشوں سے سموگ میں کمی کے امکانات ہیں۔ بارشوں کے باعث سردی اور دھند میں اضافہ ہو سکتا ہے۔
انہوں نے کہا کہ سموگ سے بچاو کیلئے ماسک کا استعمال کریں اور غیر ضروری باہر نہ نکلیں۔ دوران سفر فوگ لائیٹس کا استعمال کریں۔ ہنگامی صورتحال میں پی ڈی ایم اے کی ہیلپ لائن 1129 پر کال کر سکتے ہیں۔