آئی سی سی چیمپئنز ٹرافی کیلئے پاکستان کے ون ڈے سکواڈ کو حتمی شکل دینے کیلئے مشاورت جاری ہے، صائم ایوب کی انجری کے باعث ان کے متبادل کھلاڑی پر غور کیا جا رہا ہے۔
ذرائع کے مطابق چیمپئنز ٹرافی سے قبل پاکستان سہ ملکی سیریز میں شرکت کیلئے کرے گا۔سلیکٹرز نےواضح کیا ہے کہ اگر صائم ایوب تین ملکی سیریز تک فٹ نہیں ہوتے تو اُن کے متبادل کا فیصلہ کیا جائےگا۔ مزید تبدیلیوں کی ضرورت نہ ہونے کی صورت میں سہ فریقی سیریز کا سکواڈہی چیمپئنز ٹرافی کھیلے گا۔
آؤٹ آف فارم کھلاڑیوں عبداللہ شفیق اور عثمان خان کو ڈراپ کیے جانے کا امکان ہے جبکہ فخر زمان کو ٹیم میں شامل کیے جانے کا امکان ہے۔ امام الحق اور حسیب اللہ پر بھی غور کیا جا رہا ہے۔
دیگر ممکنہ کھلاڑیوں میں محمد رضوان، بابر اعظم، سلمان علی آغا، طیب طاہر، اور عرفان خان نیازی شامل ہیں۔ محمد حسنین، نسیم شاہ، شاہین آفریدی، حارث رؤف، کامران غلام، ابرار احمد اور سفیان مقیم جیسے بولرز کو بھی ٹیم میں شامل کرنے کی توقع ہے۔
خیال رہے کہ دیگر تمام ٹیمیں چیمپئنز ٹرافی کیلئے پہلے ہی اپنے سکواڈ کا اعلان کر چکی ہیں، پاکستان نے ابتدائی فہرست آئی سی سی کو پیش کر دی ہے۔ فائنل اسکواڈ کا اعلان 11 فروری تک متوقع ہے
چیمپئنز ٹرافی کیلئے صائم ایوب کی جگہ متبادل کھلاڑی پر غور شروع
1