غیر ملکی سفارت کاروں کو مشورہ:
پاکستانی دفتر خارجہ نے تمام غیر ملکی سفارت کاروں کو مشورہ دیا ہے. کہ وہ 15 سے 16 اکتوبر تک اسلام آباد میں ہونے والے شنگھائی تعاون تنظیم (ایس سی او) کے اجلاس کے دوران اپنی نقل و حرکت کو محدود کریں۔
ایک خط میں. اسلام آباد میں مقیم تمام رہائشی سفارتی مشنوں. اقوام متحدہ کی ایجنسیوں، فنڈز، اور بین الاقوامی تنظیموں کو مخاطب کرتے ہوئے. وزارت خارجہ نے کہا. کہ حکومت نے آنے والے معززین اور مندوبین کے تحفظ کو. یقینی بنانے کے ساتھ ساتھ سربراہی اجلاس کی کامیابی. کو یقینی بنانے کیلئے سخت حفاظتی اقدامات کیے ہیں۔
دفتر خارجہ نے. سفارت کاروں سے درخواست کی. کہ وہ بین الاقوامی ایونٹ کے دوران. شہر کے اندر اور باہر اپنی نقل و حرکت محدود رکھیں۔ مزید کہا گیا. کہ وہ اپنی سرگرمیاں. بنیادی طور پر ڈپلومیٹک انکلیو اور ریڈ زون کے علاقوں تک محدود رکھیں۔ وزارت اس معاملے میں تمام. سفارتی مشنوں کی افہام و تفہیم اور تعاون کی بہت تعریف کرتی ہے. اور اس تقریب کی کامیابی کو یقینی بنانے میں ان کی مسلسل حمایت کی منتظر ہے۔
واضح رہے. کہ شنگھائی تعاون تنظیم کے آئندہ اجلاس کے دوران وفاقی دارالحکومت میں امن و امان کی صورتحال کو یقینی بنانے کیلئے. وفاقی حکومت نے. آئین کے آرٹیکل 245 کے تحت 5 سے 17 اکتوبر تک. اسلام آباد میں پاک فوج کے دستے تعینات کر دیے ہیں۔