منکی پاکس کا پہلا تصدیق شدہ کیس کراچی میں رپورٹ

2

کراچی: صوبہ سندھ میں منکی پاکس کا پہلا تصدیق شدہ کیس کراچی میں رپورٹ ہوا ہے۔

محکمہ صحت کے ذرائع کے مطابق، جناح اسپتال میں منکی پاکس سے متاثرہ شخص کو داخل کیا گیا تھا اور اس کے سیمپلز ڈاؤ اسپتال بھیجے گئے تھے، جہاں لیبارٹری ٹیسٹ میں منکی پاکس کی تصدیق ہوئی۔

ذرائع کے مطابق، مریض کے ٹیسٹ کے نتائج مثبت آئے ہیں اور یہ سندھ میں منکی پاکس کا پہلا تصدیق شدہ کیس ہے۔

ذرائع نے مزید بتایا کہ مریض کی اہلیہ کا بیرون ملک سفر کا پس منظر ہے، اور اس میں پہلے منکی پاکس کی علامات ظاہر ہوئیں، جس کے بعد مریض متاثر ہوا۔

مریض کی عمر 28 سال ہے اور وہ شاہ لطیف ٹاؤن کراچی سے تعلق رکھتے ہیں۔ مریض کو آئسولیشن وارڈ میں رکھا گیا ہے اور احتیاطی تدابیر مزید سخت کر دی گئی ہیں۔