3
گوجرانوالہ: مراکش کشتی حادثے میں ملوث انسانی سمگلروں کے خلاف بڑی کارروائی، ایف آئی اے نے مراکش کشتی حادثے میں ملوث انسانی اسمگلر کو گرفتار کرلیا۔
ملزم انصر کو گجرانوالہ سے گرفتار کیا گیا ہے۔ ملزم انصر نے دیگر ساتھیوں کے ساتھ مل کر عامر علی کو اسپین بھجوانے کی کوشش کی، ملزمان کی جانب سے متاثرہ کو پہلے موریطانیہ بھجوایا گیا۔
کشتی حادثے کے نتیجے میں متعدد پاکستانی جابحق ہوئے۔ کشتی حادثے میں متاثرہ کو مراکش حکام نے ریسکیو کیا۔ متاثرہ عامر علی کا نام وزارت خارجہ کی جانب سے جاری کردہ فہرست میں شامل ہے۔ ملزمان نے متاثرہ کو بیرون ملک بھجوانے کیلئے اہلخانہ سے 53 لاکھ 50 ہزار روپے ہتھیائے۔
ملزم کے خلاف مقدمہ درج کر کے تفتیش کا آغاز کر دیا گیا۔