سابق صدر ٹرمپ کی جیت کی خبریں سامنے آنے کے بعد ڈیموکریٹک امیدوار کملا ہیرس نے اپنے حامیوں سے خطاب نہ کرنے کا فیصلہ کیا ہے۔
واشنگٹن میں کملا ہیرس کی ٹیم نے الیکشن ہیڈکوارٹرز میں جمع ہونے والے پارٹی کارکنوں کو بتایا کہ وہ انتخابی نتائج سے بہت مایوس ہوئی ہیں اس لیے اب وہ حامیوں سے خطاب نہیں کریں گی۔ اس اعلان کے بعد وہاں موجود پارٹی کارکن واپس اپنے گھروں کو لوٹ گئے۔
واضح رہے کہ نائب صدر کے حامی اُن کی وکٹری اسپیچ سننے کیلئے واشنگٹن کی ہووارڈ یونیورسٹی میں جمع ہوئے تھے۔
خیال رہے کہ الیکشن نتائج سے پہلے تمام سروے اور پیشگوئیوں میں کملا ہیرس کو ٹرمپ پر بری اور اُن کی جیت کی بات کرتیں تھیں لیکن حتمی نتائج اُن سے برعکس آئے ہیں جس نے امریکی نائب صدر کو شدید مایوس کیا ہے۔
میڈیا رپورٹ کے مطابق صدر ٹرمپ 277 الیکٹورل ووٹ حاصل کر کے اگلے چار سال کیلئے امریکہ کی قیادت کریں گے۔ جبکہ کملا ہیرس نے 226 الیکٹورل ووٹ حاصل کیے ہیں۔