اسلام آباد ائیرپورٹ 8 دن کے لئے بند رکھنے کا فیصلہ،بڑی وجہ بھی سامنے آ گئی

اسلام آباد(ایگزو نیوز ڈیسک)وفاقی دارالحکومت میں واقعہ انٹرنیشنل ائیرپورٹ 8  دن کے لئے  بند رکھنے کا فیصلہ کیا گیا ہے اور حکام  نے اس کی بڑی وجہ بھی بتا دی ہے۔
ایگزو نیوز کے مطابق پاکستان ایئرپورٹ اتھارٹی  نے اعلان کیا ہے کہ اگست میں مخصوص دنوں پر یوم آزادی پریڈ کی ریہرسل کے باعث اسلام آباد انٹرنیشنل ایئرپورٹ پر پروازوں کی آمد و روانگی عارضی طور پر معطل رہے گی، 11، 12 اور 13 اگست کو رات 8 بجے سے 10 بجے تک تمام پروازیں معطل رہیں گی اور ایئرلائنز کو ہدایت دی گئی ہے کہ ان اوقات میں کوئی پرواز شیڈول نہ کی جائے جبکہ 9 اگست اور 11 سے 14 اگست کے دوران دن کے اوقات میں بھی پروازیں مختلف اوقات میں معطل رہیں گی،جن میں صبح 11 بجے سے دوپہر 1 بجے تک خصوصی معطلی شامل ہے۔اتھارٹی نے مسافروں کو مشورہ دیا ہے کہ روانگی سے قبل اپنی پروازوں کے اوقات کی تصدیق کر لیں تا کہ کسی قسم کی پریشانی سے بچا جا سکے۔ایئرلائنز کو شیڈول میں ضروری تبدیلیاں کر کے مسافروں کو مطلع کرنے کی ہدایت دی گئی ہے۔یہ عارضی معطلیاں پاکستان کے 77ویں یوم آزادی کی تقریبات کے لیے سیکیورٹی اور انتظامی تیاریوں کا حصہ ہیں،جو وفاقی دارالحکومت میں مکمل سرکاری تزک و احتشام کے ساتھ منعقد ہوں گی۔