امریکی محکمہ خارجہ:
امریکی محکمہ خارجہ نے اس بات کی تصدیق کی ہے. کہ 60 کانگریسی ارکان کی طرف سے لکھا گیا ایک خط بائیڈن انتظامیہ کو موصول ہوا ہے۔ جس میں پاکستان تحریک انصاف (پی ٹی آئی) کے بانی عمران خان کی رہائی کا مطالبہ کیا گیا ہے۔
محکمہ خارجہ کے ترجمان. میتھیو ملر نے واشنگٹن میں ایک میڈیا بریفنگ کے دوران. کانگریس کے خط کے بارے میں سوال کا جواب دیتے ہوئے کہا. کہ ہم اراکین کو مناسب وقت پر جواب دیں گے۔
واضح رہے. کہ 24 اکتوبر کو، 62 امریکی ارکانِ کانگریس نے. صدر جو بائیڈن سے پاکستان کے سابق وزیراعظم عمران خان اور دیگر سیاسی قیدیوں کی رہائی کی وکالت کرنے کا مطالبہ کیا۔ اپنے خط میں، ممتاز مسلم ارکان الہان عمر اور راشدہ طلیب سمیت کانگریس کے ارکان نے بائیڈن انتظامیہ پر زور دیا. کہ وہ پی ٹی آئی کے بانی عمران خان کی حفاظت کے حوالے سے. پاکستانی حکام سے یقین دہانیاں طلب کریں۔
خیال رہے. کہ خان اگست 2023 سے جیل میں ہیں. اور انہیں 2022 میں وزیر اعظم کے عہدے سے ہٹائے جانے کے بعد. درجنوں مقدمات کا سامنا ہے. جس کے بعد انہوں نے موجودہ حکمران جماعت کے اتحاد کے خلاف احتجاجی تحریک شروع کی تھی۔
ملر نے کہا. کہ امریکہ پاکستان میں پائیدار جمہوریت دیکھنا چاہتا ہے۔