آئینی پیکج متفقہ طور پر منظور:
پاکستان پیپلز پارٹی (پی پی پی) کے سینئر رہنما سید خورشید احمد شاہ نے دعویٰ کیا ہے. کہ کمیٹی نے آئینی پیکج متفقہ طور پر منظور کر لیا ہے۔ خصوصی کمیٹی کا اجلاس آج طلب کیا گیا تھا۔
میٹنگ کے بعد صحافیوں سے گفتگو کرتے ہوئے خورشید شاہ نے کہا. کہ کمیٹی نے اس بل کو قبول کر لیا ہے. جو آج بحث کیلئے پیش کیا گیا تھا۔ انہوں نے کہا. کہ مسودہ اب منظوری کیلئے وفاقی کابینہ کو بھیجا گیا ہے۔ ایک سوال کے جواب میں انہوں نے کہا کہ کابینہ کی منظوری کے بعد اسے پارلیمنٹ میں پیش کیے جانے کا امکان ہے۔
گزشتہ ماہ بنائی گئی خصوصی پارلیمانی کمیٹی میں. پی ٹی آئی سمیت تمام جماعتوں کی نمائندگی موجود ہے۔ کمیٹی کی جانب سے مختلف تجاویز پر تبادلہ خیال کیا گیا. پی پی پی نے 11 اکتوبر کو اپنا ڈرافٹ پبلک کیا. جس کے بعد اس نے جے یو آئی (ف) کے ساتھ اتفاق رائے کرلیا۔
جاتی امرا میں پی پی پی، مسلم لیگ (ن) اور جے یو آئی ف کے سربراہان کی ملاقات کے ایک دن بعد، شاہ نے جمعرات کو میڈیا کے نمائندوں کو بتایا. کہ مسلم لیگ (ن)، جے یو آئی ف اور ایم کیو ایم پاکستان میں اتفاق ہو گیا ہے۔ دوسری جانب، پی ٹی آئی نے کہا. کہ وہ قید بانی عمران خان سے دستخط کیے بغیر اپنی تجاویز شیئر نہیں کرے گی۔
واضح رہے. کہ آئینی پیکیج قانون سازی ہے جس میں چیف جسٹس کی مدت ملازمت میں. توسیع سمیت آئینی ترامیم کا ایک مجموعہ تجویز کیا گیا ہے۔