وزیر اعلیٰ پنجاب مریم نواز شریف نے ‘سی ایم پنجاب لیپ ٹاپ سکیم’ کے تحت لیپ ٹاپ کی تقسیم کی تاریخ سے متعلق ایک اپ ڈیٹ شیئر کیا ہے۔
اسلامیہ یونیورسٹی بہاولپور میں اسکالر شپ کے اجراء کے موقع پر خطاب کرتے ہوئے مریم نواز نے اتحاد اور تعلیم کو فروغ دینے کی اہمیت پر زور دیتے ہوئے کہا کہ نفرت انسانوں کو تباہ کر دیتی ہے۔ انہوں نے نفرت کے دروازے بند رکھنے کا عہد کیا۔
اس موقع پر وزیراعلیٰ نے کہا کہ لیپ ٹاپ کی پہلی کھیپ آچکی ہے اور جلد تقسیم کردی جائے گی۔
الیکٹرک موٹر سائیکل کی تقسیم
مریم نواز نے کہا کہ پنجاب حکومت اگلے سال 100,000 طالب علموں میں مفت الیکٹرک بائیکس تقسیم کرنے کا بھی ارادہ رکھتی ہے۔ انہوں نے مزید کہا کہ کراچی پورٹ پر 27 الیکٹرک بسیں پہنچ چکی ہیں، مزید 500 بسوں کا آرڈر دے دیا گیا ہے۔
بہاولپور کے کل 3011 طلباء کو 177.2 ملین روپے کے وظائف دیئے گئے ہیں۔