چین کے دو خلا بازوں نے منگل کے روز نو گھنٹے کی خلائی واک مکمل کر کے دنیا کا سب سے طویل خلائی واک کرنے کا نیا ریکارڈ قائم کیا ہے۔
چینی خلا باز Cai Xuzhe اور Song Lingdong نے یہ خلائی واک تیانگونگ خلائی اسٹیشن پر کی جو نو گھنٹے اور 57 منٹ پر اختتام پذیر ہوئی۔ یہ اطلاع چائنا مینڈ اسپیس ایجنسی (CMSA) نے دی۔
اس سے قبل یہ ریکارڈ امریکی خلا بازوں James Voss اور Susan Helms کے پاس تھا، جنہوں نے 12 مارچ 2001 کو خلائی شٹل ڈسکوری سے بین الاقوامی خلائی اسٹیشن کے لیے باہر آ کر 8 گھنٹے 56 منٹ تک خلاء میں وقت گزارا تھا۔ یہ معلومات نیشنل ایرو اسپیس ایجنسی (NASA) نے فراہم کیں۔ چین کے اس ریکارڈ توڑنے والی خلائی واک کو خلا میں چین کے سفر کے لیے ایک سنگ میل قرار دیا جا رہا ہے۔
واضح رہے کہ اس سے قبل شینژو-18 کے خلا باز Ye Guangfu اور Li Guangsu نے بھی تیانگونگ کے باہر 8 گھنٹے 23 منٹ گزار کر ایک ایسا ہی سنگ میل عبور کیا تھا، جیسا کہ رپورٹ میں ذکر کیا گیا ہے۔
خیال رہے کہ چین واحد ملک ہے جو ہر میدان میں امریکا کو ٹف ٹائم دے رہا ہے جبکہ امریکا کو چین کی تیز رفتار ترقی بھی ہضم نہیں ہورہی اس لیے دونوں ممالک کے ایک دوسرے سے تعلقات میں کشیدگی پائی جاتی ہے۔