2025 کی چیمپیئنز ٹرافی پر بھارت اور پاکستان کے درمیان دیرینہ تنازعہ بالآخر حل ہونے کے قریب ہے کیونکہ دونوں فریقوں نے آئی سی سی ٹورنامنٹس کے غیر جانبدار مقامات پر اپنے میچز پاکستان یا بھارت کی میزبانی میں کھیلنے پر اتفاق کیا ہے۔
پاکستان کرکٹ بورڈ نے ہائبرڈ ماڈل کیلئے ایک "فیوژن فارمولہ” تجویز کیا تھا، جس میں پاکستان کی میزبانی میں ہونے والی آئی سی سی چیمپئنز ٹرافی میں بھارت کے میچوں کو غیر جانبدار مقام پر منتقل کیا جائے گا۔ اس کے بدلے میں پاکستان نے بھارت میں آئی سی سی کے ایونٹس کیلئے اسی انتظام کا مطالبہ کیا تھا۔ کافی بحث کے بعد، بورڈ آف کنٹرول فار کرکٹ ان انڈیا (بی سی سی آئی) نے مبینہ طور پر اس تجویز کو قبول کر لیا ہے۔
بی سی سی آئی کی جانب سے واضح جواب نہ ملنے کی وجہ سے دوپہر کی ایک منصوبہ بند میٹنگ ملتوی ہونے کے بعد جمعرات کی شام بات چیت میں پیش رفت ہوئی۔
دیر رات تک ذرائع نے بتایا کہ بی سی سی آئی نے اصولی طور پر اتفاق کر لیا ہے۔
بھارتی میڈٰیا کے مطابق، 2025 کی چیمپئنز ٹرافی اب پاکستان اور متحدہ عرب امارات دونوں میں ہوگی، بھارت کے میچ دبئی میں ہوں گے۔ یہ معاہدہ مبینہ طور پر 2027 تک آئی سی سی کے تمام ایونٹس پر لاگو ہوگا۔
اس وقت کے دوران، بھارت سری لنکا کے ساتھ اکتوبر 2024 میں خواتین کے ون ڈے ورلڈ کپ اور 2026 میں مردوں کے ٹی 20 ورلڈ کپ کی میزبانی کرنے والا ہے۔ پاکستان نے بھارت میں ان تقریبات کیلئے باہمی ہائبرڈ انتظامات پر اصرار کیا تھا۔
پیش رفت کے باوجود پی سی بی نے آئی سی سی سے تحریری ضمانتوں کی ضرورت پر زور دیا ہے۔ "پی سی بی آئی سی سی سے یقین دہانی چاہتا ہے۔
پی سی بی نے مستقبل میں نیوٹرل مقامات پر بھارت اور پاکستان پر مشتمل سہ فریقی سیریز کے انعقاد کی تجویز بھی پیش کی ہے جس میں تجویز کردہ مقامات میں انگلینڈ اور آسٹریلیا شامل ہیں۔ اگرچہ اس خیال پر بی سی سی آئی کی طرف سے کوئی باضابطہ ردعمل سامنے نہیں آیا ہے، لیکن یہ زیر غور ہے۔