انگلینڈ اینڈ ویلز کرکٹ بورڈ (ای سی بی) نے آئی سی سی مینز چیمپئنز ٹرافی 2025 میں آسٹریلیا کے خلاف اپنے ابتدائی میچ کے لیے پلیئنگ الیون کا اعلان کر دیا ہے۔
دونوں ٹیمیں ٹورنامنٹ کے اپنے پہلے میچ میں ہفتہ کو قذافی سٹیڈیم لاہور میں آمنے سامنے ہوں گی۔
وکٹ کیپر بلے باز جیمز اسمتھ، جنہوں نے آخری مرتبہ ستمبر 2023 میں ون ڈے کھیلا تھا، ٹیم میں واپسی کر رہے ہیں۔ اسمتھ تیسرے نمبر پر بیٹنگ کریں گے جبکہ فل سالٹ اور بین ڈکٹ اوپننگ کریں گے۔
مڈل آرڈر میں کپتان جوس بٹلر، تجربہ کار جو روٹ، ہیری بروک اور لیام لیونگسٹون شامل ہیں۔ فاسٹ باؤلر جوفرا آرچر ساتھی پیسر مارک ووڈ اور برائیڈن کارس کے ساتھ ہوں گے۔
اسپن اٹیک کے لیے، انگلینڈ نے تجربہ کار لیگ اسپنر عادل رشید کو برقرار رکھا ہے، جنھیں پارٹ ٹائمرز لیونگ اسٹون اور روٹ کی حمایت حاصل ہے۔
انگلینڈ کی پلیئنگ الیون:
جوس بٹلر (کپتان)، فل سالٹ، بین ڈکٹ، جیمز اسمتھ (وکٹ کیپر)، جو روٹ، ہیری بروک ، لیام لیونگسٹون، برائیڈن کارس ، جوفرا آرچر ، عادل رشید ، مارک ووڈ