3
جسٹن ٹروڈو نے نو سال کینیڈا کا وزیر اعظم رہنے کے بعد حکمران لبرلز کے رہنما کے عہدے سے سبکدوش ہونے کا اعلان کر دیا۔
ایک نیوز کانفرنس میں انہوں نے کہا کہ وہ اس وقت تک اپنے عہدے پر برقرار رہیں گے جب تک پارٹی کسی متبادل کا انتخاب نہیں کرتی۔ پارلیمنٹ 24 مارچ تک معطل رہے گی۔
اس کا مطلب ہے کہ ٹروڈو 20 جنوری کو وزیر اعظم ہوں گے جب ڈونلڈ ٹرمپ صدر کا عہدہ سنبھالیں گے۔ ٹرمپ نے ٹیرف لگانے کی دھمکی دی ہے جس سے کینیڈا کی معیشت تباہ ہو جائے گی۔
ٹروڈو نے مزید کہا کہ یہ ملک اگلے انتخابات میں حقیقی انتخاب کا مستحق ہے، اور یہ مجھ پر واضح ہو گیا ہے کہ اگر مجھے اندرونی لڑائیاں لڑنی پڑ رہی ہیں تو میں اس انتخاب میں بہترین آپشن نہیں ہو سکتا۔
واضح رہے کہ اپوزیشن جماعت کی بڑھتی ہوئی مقبولیت کے باعث ٹروڈو پر مستعفی ہونے کا دباو تھا۔