ٹورنٹو (اسلم مراد ) کینیڈین حکومت نے چین کی مشہور شارٹ ویڈیو ایپ ٹک ٹاک کو اپنے ملک سے تمام کاروباری سرگرمیاں ختم کرنے کا حکم دے دیا ہے ۔
کینیڈین حکومت کا کہنا ہے کہ یہ فیصلہ ایسے وقت میں کیا گیا ہے جب خفیہ اداروں کی جانب سے بتایا گیا کہ ٹک ٹاک سے کینیڈا کی سلامتی کو کئی طرح کے خطرات لاحق ہورہے ہیں. کینیڈا سے پہلے امریکہ بھی ٹک ٹاک کو بند کرنے کے احکامات جاری کرچکا ہے دوسری جانب ٹک ٹاک کے ترجمان کا کہنا ہے کہ کینیڈا کی حکومت کا یہ غیر منصفانہ فیصلہ ہے جس کی وجہ سے سینکڑوں لوگوں کی نوکریاں ختم ہو جائیں گے جو ٹک ٹاک سے کمائی کررہے ہیں.
ترجمان نے اعلان کیا کہ جس طرح امریکہ میں دفاتر بند کرنے کا اقدام عدالت میں چیلنج کیا گیا ہے اسی طرح کینیڈا میں بھی ٹک ٹاک کے دفاتر بند کرنے کے حکومتی فیصلے کو چیلنج کیا جائے گا کینیڈا کی حکومت نے فی الحال ٹک ٹاک ایپ پر پابندی نہیں لگائی بلکہ صرف دفاتر بند کرنے کا حکم دیا ہے ۔