پہلے ٹیسٹ میچ میں فاسٹ بولر جسپریت بمراہ کی تباہ کن بولنگ کے باعث بھارت نے آسٹریلیا کو 295 رنز سے شکست دیدی۔ پانچ میچوں کی سیریز میں بھارت کو 1-0 کی برتری حاصل ہوگئی ہے۔
تفصیلات کے مطابق 534 رنز کے تعاقب میں آسٹریلیا کی پوری ٹیم دوسری اننگز میں 238 رنز پر ہی ڈھیر ہوگئی۔ بھارت کی جانب سے بمراہ اور محمد سراج نے تین تین کھلاڑیوں کو پویلین کی راہ دکھائی۔ آسٹریلیا کی جانب سے ٹریوس ہیڈ 89 جبکہ مچل مارش 47 رنز بنا کر بنایاں کھلاڑی رہے۔ بمراہ کو میچ میں 8 وکٹیں لینے پر مین آف دی میچ قرار دیا گیا۔
واضح رہے کہ آسٹریلیا نے پہلا ٹیسٹ ہارنے کے بعد آخری بار ہوم سیریز 55 سال قبل ویسٹ انڈیز کے خلاف جیتی تھی۔
میچ ہارنے کے بعد ایک بیان میں آسٹریلیا کے کپتان پیٹ کمنز نے ٹیم کی کارکردگی کو مایوس کن قرار دیا۔ انہوں نے کہا کہ اگر ہم اچھا کھیل کا مظاہرہ کرتے تو نتائج ہمارے حق میں ہوتے۔