بیونس نے “کاؤ بوائے کارٹر” کیلئے بہترین کنٹری البم کا گریمی ایوارڈ جیت لیا۔ ٹیلر سوئفٹ نے اُن کو گریمی ٹرافی پیش کی۔
مذکورہ ہپ ہاپ سپر اسٹار گلوکارہ نے کہا کہ وہ “حیرت میں” ہیں کہ انہوں نے اس ایوارڈ کو جیتا، کیونکہ یہ ان کا کاؤنٹری موسیقی کے میدان میں پہلا قدم تھا۔ بیونسے کا ایلبم ستمبر میں کاؤنٹری میوزک ایوارڈز میں نامزدگیوں میں نظر انداز کیا گیا تھا۔
بیونس نے ایوارڈ وصول کرنے کے بعد کہا کہ حقیقت میں مجھے یہ توقع نہیں تھی۔ انہوں نے کہا کہ میں خدا کی شکر گزار ہوں کہ میں اتنے سالوں بعد بھی وہی کام کر رہی ہوں جو مجھے پسند ہے۔
واضح رہے کہ بیونس نے 32 گریمی ایوارڈز کے ساتھ اس تقریب میں شرکت کی، جو کسی بھی موسیقار کے مقابلے میں سب سے زیادہ ہیں، لیکن انہیں کبھی بھی ایلبم آف دی ایئر کا ایوارڈ نہیں ملا۔
اس سال کی گریمی تقریب کو ایک نیا روپ دیا گیا، جو ایوارڈ شو کے ساتھ ساتھ جنگلات کی آگ سے متاثرہ لوگوں کیلئے فنڈ ریزنگ کا حصہ بھی تھی۔ یہ آگ جمعہ تک قابو پا لی گئی تھی، جس میں 29 افراد ہلاک ہوئے تھے اور ہزاروں افراد بے گھر ہوئے جن میں کئی موسیقار بھی شامل تھے۔
سی بی ایس پر براہ راست نشر ہونے والے اس شو کا آغاز ایک آل اسٹار پرفارمنس سے ہوا جس میں “آئی لو یو لاس اینجلس ” گایا گیا، جس میں آلٹڈینا کے بینڈ ڈاؤز نے جان لیجنڈ، بریڈ پیسلی، سینٹ ونسنٹ اور برٹنی ہووڈ کے ہمراہ پرفارم کیا۔