بنوں (اسلم مراد ) بنوں کے قریب ایف سی اور پاک فوج کی مشترکہ چیک پوسٹ پر خوارجیوں کے حملے میں بارہ اہلکار شہید ہوگئے ہیں جبکہ چھ خواجی بھی ہلاک ہوئے۔
تفصیلات کے مطابق مشترکہ چیک پوسٹ پر خوارجیوں نے حملہ کرکے اندر داخل ہونے کی کوشش کی ۔ خوارجی چاہتے تھے کہ کسی طرح وہ اندر داخل ہو جائیں اور چیک پوسٹ پر قبضہ کرلیں لیکن مسلح افواج کے جوانوں نے بھرپور مذاحمت کی جس میں ناکامی پر خوارجیوں نے دھماکہ خیز گاڑی کو چیک پوسٹ سے ٹکرا دیا جس سے فرننٹئیر کانسٹیبلری کے دو جبکہ آرمی کے دس جوان شہید ہوگئے فائرنگ کے تبادلے میں چھ خواجی بھی مارے گئے ۔
فوجی جوانوں کی شہادت پر صدر پاکستان ، وزیر اعظم پاکستان ، چاروں گورنرز ، صوبائی وزرائے اعلی ، اور دوسرے اہم عہدیداران نے مذمتی بیانات جاری کیے ہیں ۔ مسلح افراج کے سربراہ کا کہنا تھا کہ خوارجیوں کو پاکستان میں کہیں چھپنے کی جگہ نہٰں ملے گی ۔ چیک پوسٹ پر حملہ کے بعد اردگرد کے علاقوں میں سرچ آپریشن بھی جاری ہے جس میں کئی مشکوک افراد کو بھی گرفتار کیا گیا ہے ۔ شہید ہونے والوں میں گوجرانوالہ کے صوبیدار عمران احمد فاروقی، سرگودھا کے حوالدار محمد جاوید اقبال، ایبٹ آباد کے نائیک طہماس احمد، ہری پور کے 39 سال کے نائیک باسط فرید شامل ہیں۔
شہداء میں بارکھان اور کوہلو کے سپاہی صفدر علی اور اسد بشیر شامل ہیں جبکہ ڈی آئی خان اور میانوالی کے سپاہی اعجاز حسین اور عاطف خان نے بھی جامِ شہادت نوش کیا۔